Zvicra ia ndalon Carla Del Ponte-s promovimin e librit skan

Zvicra ia ndalon Carla Del Ponte-s promovimin e librit skandaloz “Gjahu /Ndjekja”

Ministria e Jashtme e Zvicrës ia ndalon Carla Del Pontes promovimin e librit në Milano, libër ky i cili përshkohet me të pavërteta kundër Ushtrisë Çlirimtare të Kosovës, dhe, kërkon kthimin e saj të menjëhershëm në Argjentinë, ku ushtron funksionin e ambasadores
Ministria e Jashtme e Zvicrës ia ka ndaluar ish Prokurores së Gjykatës së Hagës, Carla Del Pontes, promovimin e librit me titull « Ndjekja »ose "Gjahu", që kishte paraparë ta bënte në Milano, ku paraqiten shumë të pavërteta për Ushtrinë e Çlirimtare të Kosovës. Ky promovim nuk është në përputhje me misionin e ambasadores, njofton Ministria e Jashtme e Zvicrës dhe se promovimi i një libri të tillë i ndalohet deri sa ta ushtrojë funksionin e ambasadores.

Njëherit Ministria e Jashtme e Zvicrës i kërkon Carla Del Pontes kthimin e shpejt në detyrën e ambasadores në Buenos Aires, të Argjentinës, ku është e angazhuar aktualisht.

Libri skandaloz i Carla Del Ponte me titull « Gjahu”, apo “Ndjekja» është shkruar në bashkëpunim me Chuck Sudetic, një reporter i « New York Times », duke paraqitur shumë të pavërteta për Ushtrinë Çlirimtare të Kosovës dhe duke i akuzuar pjesëtarët e saj, veç tjerash, se gjoja i kanë masakruar më se 300 serbë me qëllim të marrjes dhe shitjes së organeve të tyre.

Të dhënat që ka shkruar në libër Carla del Ponte dhe promovimi i tyre nuk janë në përputhje me funksionin e ambasadores së shtetit zviceran, thotë zëdhënësi i Ministrisë së Jashtme, Jean –Philipe Jeannerat, prandaj urgjentisht i ndalohet promovimi i tij, përderisa është përfaqësuese e Konfederatës Zvicerane.

/Ismet Rashiti/

RTK